Доналд рамсфилд ирақтики америка қисимлирини зиярәт қилди


2005-02-11
Share

Америка дөләт мудапиә министири доналд рамсфилд, җүмә күни әтигәндә шималий ирақни туюқсиз зиярәт қилип, мосулдики америка қошунлирини шундақла ирақ қисимлирини күздин кәчүрди. Рамсфилд, ирақ қисимлириниң қоманданлиридин 30 - январдики сайлам тоғрисида мәлумат алған шундақла ирақниң мувапиқийәт қазанған бир дөләт болушини үмид қилған.

У, мосулдики бир дохтурханида давалиниватқан америка әскәрлирини йоқлиди. Рамсфилд, мосулдики америкилиқ қоманданлар билән ирақтики қораллиқ пидаиларниң исянини бастуруш мәсилисини музакирә қилған. У, ирақни қоғдаш ирақ аманлиқ күчлириниң вәзиписи, дәп тәкитлиди. Рамсфилд, мусул айдурумида ирақтики америка қисимлирини " улар америкиниң ишғалийәтчиләр әмәс, азат қилғучилар икәнликини көрсәтти," дәп сөзлиди .

Рамсфилд ирақни зиярәт қилған күни бағдатниң шәрқий- шималида шиәләрниң бир мәсчити, өзини өлтүрүвелиш характирлик һуҗумға учриди. Партлаш намазханлар җүмә намизидин чиқиватқанда йүз бәргән. Дәсләпки мәлуматларда 13 адәмниң өлгәнлики хәвәр қилинди. Шу күни қораллиқ бир үнсүрниң бағдаттики бир навайханида үчрәт турған кишиләрни оққа тутуш вәқәсидә 9 адәм өлгән.

Б б с хәвәр қилишичә, рамсфилд ирақни зиярәт қилиштин бир қанчә саәт илгири, 10 нәпәр ирақ сақчиси қораллар үнсүрләр билән болған тоқунушта өлгән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт