Donald ramsfild iraqtiki amérika qisimlirini ziyaret qildi

Amérika dölet mudapi'e ministiri donald ramsfild, jüme küni etigende shimaliy iraqni tuyuqsiz ziyaret qilip, mosuldiki amérika qoshunlirini shundaqla iraq qisimlirini küzdin kechürdi. Ramsfild, iraq qisimlirining qomandanliridin 30 - yanwardiki saylam toghrisida melumat alghan shundaqla iraqning muwapiqiyet qazan'ghan bir dölet bolushini ümid qilghan.

U, mosuldiki bir doxturxanida dawaliniwatqan amérika eskerlirini yoqlidi. Ramsfild, mosuldiki amérikiliq qomandanlar bilen iraqtiki qoralliq pida'ilarning isyanini basturush mesilisini muzakire qilghan. U, iraqni qoghdash iraq amanliq küchlirining wezipisi, dep tekitlidi. Ramsfild, musul aydurumida iraqtiki amérika qisimlirini " ular amérikining ishghaliyetchiler emes, azat qilghuchilar ikenlikini körsetti," dep sözlidi .

Ramsfild iraqni ziyaret qilghan küni baghdatning sherqiy- shimalida shi'elerning bir meschiti, özini öltürüwélish xaraktirlik hujumgha uchridi. Partlash namazxanlar jüme namizidin chiqiwatqanda yüz bergen. Deslepki melumatlarda 13 ademning ölgenliki xewer qilindi. Shu küni qoralliq bir ünsürning baghdattiki bir nawayxanida üchret turghan kishilerni oqqa tutush weqeside 9 adem ölgen.

B b s xewer qilishiche, ramsfild iraqni ziyaret qilishtin bir qanche sa'et ilgiri, 10 neper iraq saqchisi qorallar ünsürler bilen bolghan toqunushta ölgen. (Erkin)