Iraq yéngi parlaménti échilish murasimini ötküzdi


2005-03-16
Share

50 Yildin buyan tunji qétim démokratik usulda saylan'ghan iraq parlaménti charshenbe küni baghdattiki bixeter yéshil rayonda resmiy échilish murasimi ötküzdi. Bu arida baghdatning bezi jaylirida bir qanche partlash weqeliri yüz bérip, bir neper amérika eskiri we 3 iraq eskiri qaza qilghan.

Amérika birleshme agéntliqining xewirige qarighanda, iraqtiki omumiy saylam axirlashqinigha 2 aydek bolup qalghan bolsimu, emma her qaysi siyasiy goruhlar yéngi iraq hökümitining teshkillinishide téxi bir qarargha kelmigen.

Saylamda, shiye musulmanliridin teshkillen'gen iraq ittipaq uyushmisi kurdlarning qollishi bilen prézidént komitétida 2/3 qisim köplükni igiligen bolup, bu komitét bash ministir namzatini körsitidiken.

Iraq yéngi parlaménti, iraqning yéngi asasiy qanunini retlep chiqidighan bolup, yéngi asasiy qanun bu yil 10 - ayning 15 - küni omumiy saylam arqiliq békitilidighanliqi mölcherlenmekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet