Iraqliqlar, amérika birleshme qoshunigha naraziliq bildürdi


2005.04.10
Share on WhatsApp
Share on WhatsApp

Bügün, nechche on minglighan iraqliq baghdat kochilirigha chiqip, amérika rehberlikidiki birleshme armiyining iraqtin chiqip ketmey, hazirgha qeder turiwatqanliqigha naraziliq bildürüsh bilen birge, saddam hüseyin üstidin tézdin höküm chiqirishni telep qildi.

Shi'e muritliridin bolghan sadirning teshebbüsi bilen erkinlik meydanida ténch yosunda élip bérilghan mezkür naraziliq herkiti , del ikki yil burun, saddam hakimiyti aghdurulghan kün'ge toghra kelgen bolup, u chaghda amérika eskerliri bilen iraq xelqi bu meydanda saddamning ghayet zor heykilini örüp tashlighan idi.

Naraziliq bildürgürchiler, qattiq bixeterlik tedbirliri astida, amérikigha qarshi shu'arlirini towlap, iraqta izchil türde yüz bériwatqan qalaymiqanchiliqlardin razi emeslikini bildürdi.

Saqchilarning bildürishiche, shu küni baghdatning jenubida partlash yüz bérip, 15 iraq eskiri we 4 shopur qaza qilghan. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.