Ирақтики қаршилиқ көрсәткүчи күчләрниң һуҗумлири давамлашмақта


2005.05.01
Share on WhatsApp
Share on WhatsApp

Ирақта қаршилиқ көрсәткүчи күчләрниң һуҗумлири давамлишиватқан болуп, үч күн ичидә 70 дин артуқ адәм һаятидин айрилған.

Ирақ даирилириниң билдүрүшичә, йәкшәнбә күни кочида чарлаш елип бериватқан 5 нәпәр ирақ сақчиси қораллиқ күчләр тәрипидин һуҗумға учрап етип өлтүрүлгәндин кейин, арқидинла бағдадниң җәнубида америкиниң бир һәрбий машиниси партлитилип, 4 ирақлиқ һаятидин айрилған вә 12 ирақлиқ яриланған.

Саддам һөкүмити ағдуруп ташлинип, ирақта тунҗи қетим демократик усулда сайлинип чиққан һөкүмәт вәзипигә өткәндин бери ,ирақтики зораванлиқ һәрикәтлири күндин - күнгә көпәймәктә икән.

Б б с радио - телевизийә ширкитиниң бу һәқтә бәргән хәвиридә көрситилишичә, җүмә күнидин бери , бағдат вә бағдатниң әтирапидики районларда өзини олтүрүвелиш характерлик һуҗумлар вә партлитиш һуҗумлирида аз дегәндә 75 адәм қаза қилған. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.