Iraqtiki qarshiliq körsetküchi küchlerning hujumliri dawamlashmaqta

Iraqta qarshiliq körsetküchi küchlerning hujumliri dawamlishiwatqan bolup, üch kün ichide 70 din artuq adem hayatidin ayrilghan.

Iraq da'irilirining bildürüshiche, yekshenbe küni kochida charlash élip bériwatqan 5 neper iraq saqchisi qoralliq küchler teripidin hujumgha uchrap étip öltürülgendin kéyin, arqidinla baghdadning jenubida amérikining bir herbiy mashinisi partlitilip, 4 iraqliq hayatidin ayrilghan we 12 iraqliq yarilan'ghan.

Saddam hökümiti aghdurup tashlinip, iraqta tunji qétim démokratik usulda saylinip chiqqan hökümet wezipige ötkendin béri ,iraqtiki zorawanliq heriketliri kündin - kün'ge köpeymekte iken.

B b s radi'o - téléwiziye shirkitining bu heqte bergen xewiride körsitilishiche, jüme künidin béri , baghdat we baghdatning etirapidiki rayonlarda özini oltürüwélish xaraktérlik hujumlar we partlitish hujumlirida az dégende 75 adem qaza qilghan. (Eqide)