Iraq herbiy bazisida yüz bergen özini öltürüwélish xaraktérlik partlashta az dégende 26 kishi qaza qildi


2005-06-15
Share

Iraqning shimalidiki xalis herbiy bazisida charshenbe küni özini öltürüwélish xaraktérlik partlash weqesi yüz bérip, az dégende 26 kishi qaza qildi we 26 si yarilandi.

Partlash iraq hökümitining xalis herbiy bazisining ashxanisida yüz bergen bolup, weqe sadir qilghuchi herbiy forma bilen bu yerge kirip, taki kishiler tamaqqa toplashqiche saqlap turup, andin özini partlatqan. Xalis herbiy bazisi baghdatning shimalidin 60 kilométir yiraqliqqa jaylashqan.

Iraqta mushu heptining ichidila arqa-arqidin partlash weqeliri yüz bergen bolup, seyshenbe küni iraqning shimalidiki kerkük shehiride özini öltürüwélish xaraktérlik partlash yüz bérip, az dégen 22 kishi qaza qilghan hemde yarilan'ghanlarning sani 80 din ashqan idi.

Amérika birleshme agéntliqining xewirige qarighanda, bu yil 4 - ayda iraq yéngi hökümiti textke chiqqandin buyan yüz bergen her xil hujumlarda texminen 900 din köp kishi qaza qilghan. Bularning köpünchisi iraqliqlar bolup, qaza qilghan amérika eskerlirimu nechche on'gha yetken. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet