Ramsfild, amérikining iraq urushida meghlubiyetke uchrighanliqini ret qildi


2005-06-24
Share

Amérika dölet mudapi'e ministiri donald ramsfild, amérikining iraq urushida meghlubiyetke uchrighanliqini ret qilip, iraqtiki amérika qoshunlirini chékindürüshning waqit jedwilini belgilesh xata, dep körsetti.

Ramsfild, peyshenbe küni amérika dölet mejlisidiki ispat bérish yighinida, qoshun chékindürüshning waqit jediwéli belgilesh " térorchilargha hayatliq yoli bergenlik" bolup qalidighanliqini eskertti. Emma ispat bérish yighinida amérika qoshunlirining paris qoltuqi rayonidiki qomandani jon ebuzeyid, iraqtiki "térrorchilargha" qétilghan chet'ellik pida'ilarning sani 6 ay ilgirikidin köpeydi, dep körsetti.

Iraqtiki amérika qoshunliri pida'ilarning shiddetlik qarshiliqigha duch kelmekte. Ötken peyshenbe we charshenbe künliri yüz bergen baghdattiki partlash weqesidila az dégende 30 adem ölgen.

Général ebuzeyid, tunis, marakesh we aljiriyilik pida'ilarning iraqqa süriye arqiliq kiriwatqanliqini eskertip, " süriye da'irilirining pida'ilargha qolayliq yaritip bériwatqanliqi yaki ularni körmeske séliwatqanliqi éniq bolmisimu, emma bu yerdiki mesilining achquchi yenila demeshq," dep körsetti.

Ramsfild, pida'ilar zor chiqimgha uchrighanliqini shundaqla xelqning qollishdin ayrilip qéliwatqanliqini bildürdi. Iraqtiki amérika qoshunlirining sani 135 ming etrapida bolup, 170 ming iraq eskiri terbiyilenmektiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet