Iraqta yene özini öltürüwélish xaraktérliq partlashlar yüz berdi


2005.06.26
Share on WhatsApp
Share on WhatsApp

Amérika awazi radi'osining xewirige asaslan'ghanda yekshenbe küni iraqning shimalidiki mosul shehirige yéqin jayda özini öltürüwélish xaraktérliq partlashlar yüz bérip, az dégende 20din köp adem ölgen.

Xewerge qarighanda mosuldiki iraq armiyisining herbiy bazisida yüz bergen weqe özige bomba tangghan adem teripidin sadir qilin'ghan bolup, ölgenlerning köpinchisi puqra we herbiy bazining xadimliri iken. Buningda 15 adem ölgen.

Buningdin bashqa yene shu küni yene bir adem mosul etrapidiki saqchixanini partlitiwetken bolup, netijide alte neper iraq saqchisi ölgen. Buningdin bashqa yene mosul doxturxanisidimu partlitish yüz bérip, yene töt adem ölgen.

Xewerlerge qarighanda yekshenbe küni yene baghdad we kirkuk qatarliq sheherlerdimu kichikrek kölemdiki partlashlar hemde isyanchi qoralliq guruhlar bilen saqchilar arisida toqunushlar yüz bérip, bir yuqiri derijilik iraq saqchi bashliqi qoralliq guruhlar teripidin étip öltürülgen.

Amérika herbiy terepning melumatidin qarighanda, bu künlerde yene bir neper amérika eskiri ölgen we ikki nepiri yaridar bolghan.

Amérika prézidénti jorji bush shenbe küni sözligen sözide isyanchi qoralliq guruhlarni "rehimsiz jallatlar" dep atash bilen, ularning hayatliqni qilche qedirlimeydighanliqini eyibligen. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet