Iraqta özini öltürwélish xaraktérlik hujumda 22 adem qaza qildi

Özini öltüriwélish xaraktérlik hujum élip barghuchi bir kishi, 24 - iyul küni bomba qachilan'ghan mashina bilen, baghdatta turushluq saqchi idarisigha hujum qilip, 22 ademning ölümini, 25 ademning yarilinishini meydan'gha keltürgen.

Iraq da'irilirining bildürüshiche, baghdatta yüz bergen bu xil hujumlar nurghun saqchi we puqraning hayatidin ayrilishigha shuningdek etraptiki mashina, öylerning köyüp kétishige seweb bolghan.

En'giliye b b s xewiride éytilishiche, bir heptidin buyan, iraqta özini öltürwilish xaraktérlik hujumlar arqa - arqidin yüz bergen bolup, baghdattiki ichki ishlar ministirliqining binasigha tashlan'ghan bomba 3 ademni öltürgen, buningdin sirt, baghdat saqchi idarisining bashliqi yolda étip öltürülgen.

Amérika armiyisining éytishiche, shenbe küni yene bir amérika eskiri öltürülgen. Iraqta yéqindin buyan, qarshiliq körsetküchi küchlerning hujumliri dawamliq türde yüz bérip, iraqning weziyitini keskinleshtürmekte. (Eqide)