Amérika we iraq qisimliri, baghdatta qarshiliq körsetküchi küchlerge qarita hujum qozghidi

Amérika we iraq qisimliri, baghdatta bir qatar hujumlarni qozghap, qarshiliq körsetküchilerdin 6 ni étip öltürgen.

Iraq da'irilirining shenbe küni bildürüshiche, amérika eskerliri , qarshiliq körsetküchi küchlerge qarita tik uchar ayropilanlirini ishqa sélish arqiliq zerbe bergen we özini öltürwélish hujumi élip barmaqchi bolghan bir qarshiliq körsetküchini neq meydanda yoqatqan.

Amérika eskerliri baghdatta 7 neper qarshiliq körsetküchini hemde bomba qachilan'ghan mashina bilen partlitish meqsidige yetmekchi bolghan yene bir qarshiliq körsetküchini qolgha chüshürgen.

Birleshme armiye xadimining éytishiche, iraqtiki qarshiliq körsetküchi küchler, yéqindin buyan irandin kirgüzülgen mürekkep we küchlük bir xil partlatquch bomba ishlitiliwatqan bolup, birleshme armiye xadimining éytishiche , téhran hökümitining bu xil etkes partlatquchni iraqqa kirgüzüsh üchün qolay shara'it yaritip bériwatqanliqi heqqide héchqandaq ispat yoq iken. (Eqide)