Ирақ асаси қанунини мақуллаш сүрики йәнә үч күн узартилди

Ирақ асаси қанунини түзүш мәҗлисидики һәр қайси тәрәпләр, дүшәнбә күни асаси қанун түзүш сүрикини йәнә күн узартиш тоғрисида келишим һасил қилди. Бу асас қанун түзүш муддитиниң 2 - қетим узартилиши болуп һесаблиниду. Шу күни асаси қанун мәҗлисидики әзаларға ирақ асаси қануниниң лаһийиси тарқитип берилгән, әмма мәҗлис асаси қанун лаһийисини авазға қоймиди.

Сүнийләр асаси қанун лаһийисидики бәзи маддиларни қобул қилмиған. Бу маддилар федератсийә түзүмини орнитиш, федератсийә районлирини қандақ айриш, парламент вә баш министирниң һоқуқ даирисини қандақ бекитиш қатарлиқ мәсилиләргә четилған.

Хәвәрләргә қариғанда шиәләр билән күрдләр асаси қанун лаһийисигә қошулған. Бу икки гуруһ асаси қанун мәҗлисидә көп санлиқларни игиләйду.

Көзәткүчиләрниң тәкитлишичә, шиәләр билән күрдләрниң мәҗлистики сани асаси қанун лаһийисини тәстиқлашқа йәтсиму, бирақ бундақ қилиш сияси кризисни чоңқурлаштуруп, сүнийләрниң мәвҗут түзүмдин техиму йирақлишишини кәлтүрүп чиқирикән. Һазир ирақтики қораллиқ һуҗумларни сүний күчләр елип бармақта. (Әркин)