Бағдатта йүз бәргән паҗиәдә 650 киши қаза қилди


2005.08.31

Ирақ һөкүмитиниң мәлум қилишичә, террорлуқ һуҗум һәққидә таралған бир хата учур сәвәбидин чаршәнбә күни бағдаттики бир көврүктә шиә мусулманлири арисида алақзадилик йүз берип, қиста-қистаңчилиқта 650 киши қаза қилған һәмдә 300 гә йеқин киши яриланған.

Хәвәрләргә қариғанда, вәқә йүз бәргәндә көврүк үстидә нәччә миңға йеқин шиә мусулманлири бар болуп, улар бағдаттики бир мәсчиттә өткүзилидиған диний паалийәткә қатнишишқа маңған икән.

Улар арисида, көврүктә өзини өлтүривелиш характерлик партлаш вәқәси йүз беридиғанлиқи тоғрисидики хәвәр таралғандин кейин, кишиләр чөчүп кетип, һәр қайси тәрәпкә қарап қечишқан. Нәтиҗидә көврүк вадәклири қистаңчилиқта өрүлүп кетип, нурғун кишиләр суға чүшүп кәткән. Һәтта бәзилири дәссилип өлгән. Мәлум болушичә, өлгәнләр асаслиқи аяллар, балилар вә яшанғанлар икән.

Буниң алдида қораллиқ һуҗумчилар бу йәрдики бир мәсчиткә ракита етип, 7 кишиниң өлүши вә 36 исиниң ярилинишини кәлтүрүп чиқарған иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.