Baghdatta yüz bergen paji'ede 650 kishi qaza qildi

Iraq hökümitining melum qilishiche, térrorluq hujum heqqide taralghan bir xata uchur sewebidin charshenbe küni baghdattiki bir köwrükte shi'e musulmanliri arisida alaqzadilik yüz bérip, qista-qistangchiliqta 650 kishi qaza qilghan hemde 300 ge yéqin kishi yarilan'ghan.

Xewerlerge qarighanda, weqe yüz bergende köwrük üstide nechche minggha yéqin shi'e musulmanliri bar bolup, ular baghdattiki bir meschitte ötküzilidighan diniy pa'aliyetke qatnishishqa mangghan iken.

Ular arisida, köwrükte özini öltüriwélish xaraktérlik partlash weqesi yüz béridighanliqi toghrisidiki xewer taralghandin kéyin, kishiler chöchüp kétip, her qaysi terepke qarap qéchishqan. Netijide köwrük wadekliri qistangchiliqta örülüp kétip, nurghun kishiler sugha chüshüp ketken. Hetta beziliri dessilip ölgen. Melum bolushiche, ölgenler asasliqi ayallar, balilar we yashan'ghanlar iken.

Buning aldida qoralliq hujumchilar bu yerdiki bir meschitke rakita étip, 7 kishining ölüshi we 36 isining yarilinishini keltürüp chiqarghan idi. (Peride)