Baghdattiki bir qatar partlitishta 120 din artuq adem öldi

Baghdat shehiride charshenbe küni yüz bergen bir qatar partlitish weqeliride az dégende 120 adem öldi,200 din artuq adem yarilandi.

Fransiye agéntliqining xewirige qarighanda, baghdat shehiri charshenbe küni on qétim bomba hojumigha uchrighan. Eng qattiq bir qétimliq hojumda, partlatquch dora qachilan'ghan bir mashina ishlemchiler topliship xizmet kütüp turghan jayda partlighan. Shiyilar toplashqan rayonda yüz bergen bu qétimqi partlashta az dégende 108 adem ölgen, 160 din artuq adem yarilan'ghan.

Buning aldida, özini iraqtiki el - qayde dep atighan bir teshkilat intérnétte bayanat élan qilip, iraq hökümitining yéqinda qarshilashquchi küchlerge qaratqan hujumidin öch élish üchün, memliket boyiche hujum qozghaydighanliqini bildürgen. Amérika qoshunliri we iraq da'iriliri yéqinda iraqning shimalida qarshilashquchi küchlerni tazilash herikiti élip barghan idi.

Baghdatta dehshetlik partlash weqeliri yüz bergen waqit del, iraq prézidénti jalal talabani amérikini ziyaret qilip, prézidént jorj bush bilen körüshken bir mezgilge toghra kélidu. Ikki dölet rehberliri uchrushushtin kiyin, amérika qoshunlirining iraqtin chékinish waqtini bikitmeydighanliqini bildürgen. (Arzu)