Америка армийиси ирақта кәң көләмлик һәрикәт башлиди


2005.10.02

Америка һәрбий даирилириниң билдүрүшичә, америка армийиси ирақниң ғәрбидики сүрийә билән болған чегрисиға йеқин җайда қораллиқ пидаиларға кәң көләмлик зәрбә бериш һәрикитини елип барған.

1000 Ға йеқин америка әскири йәкшәнбә күни әтигән, тик учар вә уруш айрупиланлириниң һимайисида ирақниң ғәрбидики садаһ кәнтигә келип, бу йәрдики йошурун қораллиқ пидаиларға қарита һуҗум қозғиған. Нәтиҗидә 8 нәпәр қораллиқ пидаи етип өлтүрүлгән.

Америка һәрбий қисминиң "төмүр мушт" дәп аталған бу һәрбий һәрикитиниң асаслиқ мәқсити болса, 10 -айниң 15 - күнидики ирақ асасий қанун омумий сайлиминиң алди-кәйнидә аманлиқни капаләткә игә қилиш үчүн, ираққа суқунуп киривалған чәтәл қораллиқ пидаийлиригә зәрбә бериш вә улар йошурунивалған җайларни вәйран қилиш икән.

Илгирики бир-икки күндин буян ирақта қораллиқ пидаилар садир қилған партлаш вәқәлири арқа-арқидин йүз бәргән болуп, пәйшәнбә күни бағдатта йүз бәргән бир партлаштила аз дегәндә 95 киши қаза қилған иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.