Iraqning yéngi asasiy qanunini maqulluqtin ötti


2005.10.25

Iraq hökümiti, iraqning yéngi asasiy qanun lahiyisining 15 - öktebir küni ötküzülgen omomiy xelq saylimida maqulluqtin ötkenlikini jakarlidi.

Iraq saylam emeldarlirining bildürishige qarighanda, saylam xelqining 78% i bu asasiy qanun'gha qoshulghan, 21% i qarshi chiqqan.

Chet'el metbu'atlirining xewirige qarighanda, sün'iy musulmanliri topliship olturaqlashqan ikki ölkidiki köp qisim kishiler bu yéngi asasiy qanun'gha qoshulmasliq bélitini tashlighan. Eger üch ölkidiki üchtin ikki qisim puqralar bu asasiy qanun'gha qarshi chiqqan bolsa, bu asasiy qanun pütünley inkar qilinatti.

Iraqni erep döliti emes, islam döliti dep tonushturulghan bu asasiy qanunni iraqtiki shiyeler we kurdlar qollawatqan bolup, emma sünniyler buninggha qarshi chiqiwatqan idi.

Saylam emeldarliri, omomiy saylamda saxtiliq ehwallirining körülmigenlikini, bilet sanash ishlirining 100% ishenchlik ikenlikini bildürmekte.

Shuning bilen bir waqitta, iraqning shimalidiki kurdlar olturaqlashqan sulayman shehiride bir yürüsh partlash weqeliri yüz bérip, az digende tuqquz adem öldi. Buningdin bir kün ilgiri baghdattimu özini öltürüwélish xaraktérliq partlash weqesi yüz bérip, 17 adem ölgen, 9 adem yarilan'ghan. Xewerlerge qarighanda, chet'el muxbirliri turiwatqan bir méhmanxanida yüz bergen bu weqede, asasliqi amanliq saqlash we méhmanxana xadimliri, yoluchilar ölgen. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.