Iraq sünni musulmanliri xelq'aradin türme weqesini tekshürüshni telep qildi

Iraq sünni musulmanliri xelq'ara jem'iyettin, baghdattiki bir mexpiy türmide sünni musulman mehbuslarning qiyin-qistaqqa uchrash weqesi üstidin tekshürüsh élip bérishni telep qildi.

Iraq bash ministiri ibrahim el jafari seyshenbe küni bu weqeni tekshürüp chiqishqa qoshulghan idi. Amérika armiyisi yekshenbe küni bu mexpiy türmini bayqighan bolup, ularning bildürüshiche, bu yerde 168 neper mehbus qamaqliq iken. Bularning arisida 3 kishidin bashqa, qalghanlirining hemmisi sünni mezhipidiki erebler iken.

Shundaqla, bu mehbuslarning turqidin acharchiliq we qiyin-qistaq derdini bolushigha tartqanliqi chiqip turidiken. Iraq ichki kabintining köp qisim emeldarliri shi'e mezhipidin bolup, bu ehwal emdi iraqtiki mezhepler otturisidiki weziyetni téximu jiddiyleshtürüshi mumkin. (Peride)