Amérika iraqtiki herbiy qoshunini qisqartishni pilanlimaqta


2005-11-23
Share

Amérikidiki "washin'gton pochtisi" gézitining charshenbe küni xewer qilishiche, nöwette amérika dölet mudapi'e ministirliqi kéler yili béshidin bashlap, iraqta turushluq amérika eskerlirining sanini qisqartishni pilanlimaqta. Bu dölet mudapi'e ministirliqining deslepki layihisi bolup, iraqta yüz bergen her qandaq chong weqeler bu layihige tesir körsitishi mumkin iken.

Amérika tashqi ishlar ministiri kondoliza raysmu bu xewerni ispatlap, iraqta hazir nurghun ilgirleshlerning boliwatqanliqini, shunga amérikining emdi iraqta hazirqi kölemdiki qoshun turghuzishining hajetsiz ikenlikini bildürdi. Emma u bu pilanning éniq kün tertiwi we qisqartilidighan eskerlerning sani toghrisida tepsiliy toxtalmidi.

Nöwette iraqta texminen 160 ming amérika eskiri turiwatqan bolup, "washin'gton pochtisi" gézitining bir yuqiri derijilik dölet mudapi'e ministiri emeldarining sözini neqil keltürishiche, kéler aydiki iraq saylimidin kéyin, amérika eskiri az dégen 138 minggha qisqartilishi mumkin iken.

Amérikidiki yene bir qisim siyasiy analizchilar, kéler yilighiche amérika eskirining 100 minggha qisqartilishi mumkinlikini perez qilmaqta. Xewerde melum bolishiche, iraqtin qisqartilghan amérika eskerliri kuweyitke yaki bashqa paris qoltughi döletlirige yötkilishi mumkin. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet