Bush iraqtin qoshun chékindürüsh waqit jedwilini békitmeydighanliqini éytti


2005-11-30
Share

Dölet ichide iraq mesiliside barghanséri küchlük bésimgha duch kéliwatqan amérika prézidénti jorj w bush charshenbe küni iraq mesilisidiki istratégiyilik pilanini otturigha qoyup, amérikining hazir iraqtin qoshun chékindürüsh waqit jedwilini békitmeydighanliqini bildürdi.

Charshenbe küni bush, amérika mariland shtatining anapolis shehiridiki amérika déngiz armiye akadémiyiside qilghan nutiqida, iraqtin qoshun chékindürüsh waqit jedwilini tüzüsh qarishigha reddiye bérip, bundaq qilishning amérikining ittipaqdash döletlirige xata signal bérip qoyidighanliqini hemde térrorchilarni biz mushundaq dawamliq hujum qiliwersekla, amérikini meghlub qilalaymiz deydighan uqumgha keltürüp qoyudighanliqini eskertti.

Bush yene, amérikining qoshun chékindürüshining, iraq weziyitige baghliq bolup, buning washin'gtondiki siyasiyonlarning qararigha qarashliq emeslikini bildürdi. U, iraqtiki amérika armiyisige özgertish kirgüzüp, amérika armiyisini melum derijide qisqartishi mumkinlikini, emma aldinqi sep éhtiyaji bolghan chaghda, hetta esker köpeytish éhtimalliqining barliqini tekitlidi.

Prézidént bush hazir dölet ichide barghanséri chong siyasiy bésimgha duch kéliwatqan bolup, amérikidiki démokratchilar bushning iraq urushini tézdin axirlashturushini küchlük telep qilmaqta. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet