Amérika prézidénti bush iraqta hazirghiche 30 ming kishining ölgenlikini bildürdi
2005.12.12
Amérika prézdénti jurj bush düshenbe küni 2003 - mart éyidin yeni amérika herbiy qisimliri iraqqa kirgendin biri, iraqta yüz bergen toqunushlar we hujumlarda 30000 etrapida iraq puqrasining we 2140 amérika eskirining ölgenlikini bildürdi.
Fransiye agéntliqining xewer qilishiche, amérika prézidénti iraq urushida qurban bolghanlarning sanini otturigha qoyush arqiliq, bir tereptin amérika xelqighe iraqtiki weziyetning jiddiylikini chüshendürüshke tirishqan bolsa, yene bir tereptin iraq xelqighe qandaq shara'it astida yashawatqanliqini bilidighanliqini uqturushqa tirishqan. Amérika hökümiti hazirghiche iraqtiki urushta qanchiliq iraq puqrasining qurban bolghanliqi toghrisida éniq bir san otturigha qoymighan idi.
1999 - Yilidiki pars qoltuqi urushida qobul qilin'ghan siyasetke asasen, amérika armiyisi iraq urushida ölgenlerning éniq sanini élan qilmaydighanliqini tekitlep kelgen. Lékin yéqinqi aylardin buyan iraqtiki amérika herbiy xadimliri toqunushlarda ölgen iraqtiki qarshilashquchi küchlerning we iraq bixeterlik qisimlirining sanini élan qilishqa bashlighan idi. (Qanat)
Munasiwetlik maqalilar
- Amérika qoshuni iraqning gherbide zor yoqitishqa uchridi
- Bush iraqtin qoshun chékindürüsh waqit jedwilini békitmeydighanliqini éytti
- Amérika iraqtiki herbiy qoshunini qisqartishni pilanlimaqta
- Iraq sünni musulmanliri xelq'aradin türme weqesini tekshürüshni telep qildi
- Kondiliza rayis iraqni ziyaret qildi
Köp körülgen xewerler
RFA
- Rézhissor ikram nurmemet térrorluq bilen eyiblinip 6 yérim yilliq késiwétilgen
- Mehmud qeshqeri we hüseyin tejelli heykilining chéqiwétilgenliki delillendi
- Ukra'inada “Uyghurlarning mustemlike qilinishi we ukra'inlarning teqdiri” dégen témida söhbet élip bérilghan
- Shinjang uniwérsitétning yüz yilliqida néme üchün mektepni “Qizil izbasarlarni terbiyelesh merkizi” ge aylandurush tekitlendi?
- “Xitay gulagidin hayat qélish” namliq kitab “Aldinqi front edebiyati mukapati” gha érishti