Amérika mu'awin prézidénti iraqni ziyaret qildi


2005-12-18
Share

Amérikning mu'awin prézidénti dék chéyni yekshenbe küni iraqni tuyuqsiz ziyaret qilip, peyshenbe küni iraqta ötküzülgen parlamént saylimini, amérika herbiy qisimlirini iraqtin chékindürüp chiqish üchün muhim bir qedem dep körsetti.

Amérika mu'awin prézidénti dék chéyni bir künlük iraq ziyariti jeryanida, iraq hökümet rehberliri we iraqtiki amérika herbiy qisimlirining qomandanliri bilen uchrashqan hemde tik uchar bilen baghdad shehirini aylan'ghan shundaqla iraq eskerliri terbiyiliniwatqan taji hawa bazisini ziyaret qilip, mezkur bazidiki amérika eskerlirige söz qilghan. Dék chéyni sözide, amérikida bezi ataqliq siyasetchilerning, amérika qisimlirini iraqtin chékindürüp chiqish kéreklikini ilgiri sürüwatqanliqini eskertip, bu köz qarashning xata ikenlikini tekitligen.

Dék chéyni iraqtiki amérika qisimlirining qomandanliri bilen körüshkendin kéyin baghdadta muxbirlargha bergen bayanatida,peyshenbe küni ötküzülgen parlamént saylimigha iraqtiki herqaysi étnik we diniy guruppilarning qatnashqanliqini tekitlep, bu, iraqtiki diniy we milliy guruppilarni birleshtürüshte muhim rol oynaydu, dégen.

Amérika birleshme agéntliqining xewer qilishiche, dék chéynining ziyariti nahayiti mexpiy tutulghan bolup, hetta iraq bash minsitirimu bu ziyarettin aldin xewerdar qilinmighan. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet