Iraqta ötküzülgen parlamént saylimida shiyelerning partiyisi eng köp awazgha érishti


2005-12-19
Share

Ötken peyshenbe küni iraqta ötküzülgen, parlamént saylimining aldinqi netijilirige qarighanda, iraq xelqi parlamént saylimida milliy we diniy teweliki asasida awaz bergen.

Shi'e musulmanliri köp sanliqni igileydighan rayonlarda shi'e partiyiler, sunniyler köp sanliqni igileydighan rayonlarda sünniylerning partiyiliri we kürdler yashaydighan rayonlarda kürd milliy partiyiliri awazlarning asasliq qismini qolgha keltürgen.

Saylam netijisige qarighanda, hazir iraqta hakimiyet béshida turiwatqan shiye diniy ittipaqi eng köp awaz gha érishken. Peyshenbe küni ötküzülgen parlamint saylimining yene bir alahidiliki, bu saylamda iraq xelqining diniy eqidisining téximu küchlen'genliki otturigha chiqti. Chünki saylam netijisi hem shi'e hem sünni diniy partiyilerning eng köp awazgha érishkenlikini körsetmekte.

Iraqta ötküzülgen parlamént saylimining netijisining élan qilinishi bilen birlikte, saddam höseyin hakimiyitining 24 aliy derijilik xadimining türmidin qoyop bérilgenliki élan qilindi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet