Iraqtiki amérika herbiy qisimlirining sani azaytilidiken


2005-12-23
Share

23 ‏-Dékabir küni iraqni ziyaret qilghan amérika mudapi'e minstiri donald ramisféld, amérika hökümitining kéler yilining bashlirida iraqti'in bezi qisimlirini chikindürüp chiqidighanliqini jakarlidi.

Baghdadta, iraqning prézidénti jalal talabani we bash minstiri ibrahim jeferi bilen körüshken amérika mudapi'e minsitiri donald ramisféld, hazir iraqta 160 ming amérika eskiri barliqini bu sanni 2006 ‏- yilida 138 minggha chüshüridighanliqini bildürdi. Lékin u iraqtiki amérika herbiy qisimliri sanining , iraqtiki weziyetke qarashliq ikenlikini, eger weziyet jiddiyleshse, iraqtiki amérika herbiy qisimliri sanining buningdinmu köpeytilishi mumkinliqini bildürdi.

Amérika hökümiti, 15 ‏- öktebir küni ötküzülgen réfrandom we 15 ‏- dikabir küni ötküzülgen parlamént saylimining bixeterlikige kapaletlik qilish üchün, iraqqa ewetilgen qoshumche herbiy qisismlarni iraqtin chikindürüp chiqidighanliqini élan qilghan idi.

Donald ramisféld, 2006 ‏-yili iraqta qurulidighan yéngi hökümet bilen iraqtiki ittipaqdash armiye qisimlirining sani toghrisida söhbet élip bérilidighanliqini tekitlidi .

Xewerlerge qarighanda, iraqta yéngi hökümet kéler yilning bashlirida qurulidiken . Iraq prézidénti jalal talabani 23 ‏-dékabir küni baghdadta bergen bayanatida, iraqta bir milliy ittipaq hökümitining qurulushi üchün iraqtiki pütün siyasiy guruppilar bilen söhbet bashlighanliqini bildürdi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet