Ирақтики түрмидин қечиш вәқәсидә аз дегәндә 8 киши қаза қилди


2005.12.28

Ирақ пайтәхти бағдаттики бир һәрбий база түрмисидә чаршәнбә күни йүз бәргән түрмидин қечиш вәқәси сәвәбидин аз дегәндә 8 киши қаза қилди.

Бу һәрбий база түрмиси бағдатниң шималидики шиә мусулманлири көп олтурақлашқан районға җайлашқан. Чаршәнбә күни бу түрмидики бир мәһбус, әскәрниң қолидики қорални тартивалған һәмдә әтраптикиләргә қаритип қалаймиқан оқ чиқиришқа башлиған. Һазирғичә 8 кишиниң өлгәнлики ениқланди. Мәлум болушичә, өлгәнләрниң арисида бир америкилиқ әскәрму бар икән.

Кейин түрмә әскәрлири бу мәһбусни бойсундуруп, уни қайта қолға алған. Йеқинқи мәзгилдин буян, ирақтики түрмә шараити көп қетим тәнқидкә учрап кәлди. Шундақла ирақ ички ишлар министирлиқиниң башқурушидики түрмиләрдә кишилик һоқуқ дәпсәндичилики вә еғир қийин-қистаққа елиш әһвалиму көп көрүлди.

Америка һәрбий даирилири буниңдин 3 күн бурун, ирақ даирилири түрмә вәзийитини яхшилап мәһбусларниң кишилик һоқуқиға һөрмәт қилмиғичә, мәһбусларни ирақ һөкүмитигә тапшуруп бәрмәйдиғанлиқини билдүргән иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.