Iraqtiki türmidin qéchish weqeside az dégende 8 kishi qaza qildi


2005-12-28
Share

Iraq paytexti baghdattiki bir herbiy baza türmiside charshenbe küni yüz bergen türmidin qéchish weqesi sewebidin az dégende 8 kishi qaza qildi.

Bu herbiy baza türmisi baghdatning shimalidiki shi'e musulmanliri köp olturaqlashqan rayon'gha jaylashqan. Charshenbe küni bu türmidiki bir mehbus, eskerning qolidiki qoralni tartiwalghan hemde etraptikilerge qaritip qalaymiqan oq chiqirishqa bashlighan. Hazirghiche 8 kishining ölgenliki éniqlandi. Melum bolushiche, ölgenlerning arisida bir amérikiliq eskermu bar iken.

Kéyin türme eskerliri bu mehbusni boysundurup, uni qayta qolgha alghan. Yéqinqi mezgildin buyan, iraqtiki türme shara'iti köp qétim tenqidke uchrap keldi. Shundaqla iraq ichki ishlar ministirliqining bashqurushidiki türmilerde kishilik hoquq depsendichiliki we éghir qiyin-qistaqqa élish ehwalimu köp körüldi.

Amérika herbiy da'iriliri buningdin 3 kün burun, iraq da'iriliri türme weziyitini yaxshilap mehbuslarning kishilik hoquqigha hörmet qilmighiche, mehbuslarni iraq hökümitige tapshurup bermeydighanliqini bildürgen idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet