Ирақта өзини өлтүрүвелиш характерлик һуҗумлар давамлашмақта


2005-12-29
Share

Ирақ даирилири 29 ‏- декабир күни, бағдат шәһиридә өзини өлтүрүвелиш характерлик партлитиш һуҗумлирида аз дегәндә 4 сақчиниң өлтүрүлгәнликини, 4 сақчиниң яриланғанлиқини ашкарилиди.

Көзәткүчиләр бу наразилиқларниң сайлам нәтиҗисигә рази болмаслиқ түпәйлидин келип чиққанлиқини билдүрмәктә.

Бу арида бирләшкән дөләтләр тәшкилатиниң ирақ сайлам комитетиға әвәткән мәслиһәтчи хадими, қайта сайлам елип бериш тәлипини рәт қилди, униң ейтишичә, гәрчә сайлам җәрянида аз тола нуқсанлар йүз бәргән болсиму, әмма бу қайта сайлам елип бериш үчүн чоң бир сәвәб болалмайдикән.

Ирақтики сүнни әрәбләр билән шиәләр сайлам җәрянида сахтипәзликләр йүз бәргәнликини билдүрүп, дәсләпки сайлам нәтиҗисини қобул қилишни рәт қилди.

Ирақта елип берилған сайлам нәтиҗисидә шийә иттипақиниң рәһбири көп авазға еришкән иди, бирақ ирақниң бир қанчә чоң шәһәрлиридики хәлқ сайлам нәтиҗиси үстидин наразилиқ билдүрмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт