Iraqta partlash yüz bérip 80 adem qaza qildi

Iraqta peyshenbe küni yüz bergen ikki qétimliq özini öltürüwélish xaraktérlik partlashta 80 adem hayatidin ayrildi.

B b s xewer agéntliqining 5 ‏- yanwar bergen xewiride bildürülüshiche, birinchi qétimliq partlash kerbaladiki shiye musulmanlirining imam höseyin we imam abbas namidiki ikki meschiti otturisidiki kochida yüz bergen bolup, partlashta 50 adem qaza qilghan.

Saqchilarning éytishiche, bu qétimqi partlash özini öltürüwélish xaraktérlik hujumdin meydan'gha kelgen, partlash yüz bergende köpligen kishiler tawap qilish üchün meschitke qarap yol alghan iken.

Bu arida, iraqning gherbiy qismidiki ramadi shehirining merkizidimu partlash yüz bérip, 30 adem ölgen we nurghun kishi yarilan'ghan.

Iraq parlaméntining saylam netijisi pat arida élan qilinidu, iraqtiki shiye, sunniy we kürd partiyiliri nöwette öz - ara söhbet élip bérip, birleshme hökümet qurush pilanini tüzüwatqan bir peytte, iraqning her qaysi jaylirida qarshiliq körsitish heriketliri köplep yüz bermekte. (Eqide)