Amérikining bir tik uchur ayropilani weyran boldi

• 
  2006-01-08

Amérika awazi radi'osining uchuridin qarighanda, yekshenbe küni amérika herbiy da'iriliri bir tik uchar ayropilanining iraqning shimalidiki tel-afar rayoni etrapida weyran bolup, uningdiki 12 neper amérika herbiy xadimining qazagha uchrighanliqini bildürdi. Xewerge qarighanda, amérika herbiy da'irilirining mezkur tik uchar ayropilan bilen bolghan alaqisi üzülüp qélip, 12 sa'et ötkendin kéyinla buningdin xewer tépilghan.

Shuning bilen bir waqitta yene amérika herbiy da'irilirining bildürüshiche, iraq qarshiliq körsetküchilirining shenbe we yekshenbe künliridiki hujumliri jeryanida besh neper amérika déngiz piyade qisimining eskiri ölgen. Bu bir qétimliq chong yoqitish bolup hésablinidiken.

Melumatlargha qarighanda, iraq urushi partlighandin buyan 2000 din artuq amérika jengchi-ofitséri ölgen we zor sandikisi yarilan'ghan iken. (Ümidwar)