Iraqtiki parlamént saylimida shi'eler üstünlükni igillidi

Buningdin 5 hepte ilgiri ötküzülgen iraq parlamént saylimining netijisi élan qilindi. Saylam netijisidin melum bolushiche, iraq parlaméntiki 275 orunning 128 ini shi'eler igilep, iraq parlaméntiki eng chong guruh bolup qalghan, emma hökümet teshkilleshke yiterlik sanni qolgha keltürelmigen. Kordlarning kordistan ittipaqi parlaménttiki 53 orunni igilidi. Sünniyler 55 orunni igilep, parlaménttiki 2 - chong guruh bolup qaldi. Saylamgha qatnashqan tereplerning héchbiri qanunda belgilen'gen hökümet teshkilleshke yiterlik orunni qolgha keltürelmigenliktin, terepler birleshme hökümet qurush yoligha méngishi mümkin.

Bezi sünniy erbaplar bilet tashlash jeryanida saxtipezlik qilish weqeliri yüz bergenlikidin shikayet qilghan bolsimu, emma saylamning adil yaki adaletsizliki toghrisida éniq bir néme démidi. Amérika da'iriliri bolsa saylam asasi jehettin adil élip bérildi, dep qarimaqta.

Xelq'ara jem'iyet iraq weziyitining tereqiyatini diqqet bilen közetmekte. Saylamda shi'elerning birinchi bolup chiqishi kishilerning perizidiki mesile idi. Emma kordlarning shi'elerdin kéyin 2 - orunni igileydighanliqi perez qilin'ghan bolsimu, biraq sünniy partiyiler 2 - orunni igilidi. Iraq weziyitining saylamdin kéyinki tereqqiyati iraqning kélechiki nuqtisidin tarixiy ehmiyetke ige bolushi mümkin.(Erkin)