Baghdatta yüz bergen partlash bir qanche ademning ölümini meydan'gha keltürdi

Iraq saqchi da'iriliri peyshenbe küni, baghdattiki bir sot mehkimisige yéqin jayda yüz bergen özini öltüriwélish xaraktirlik hujumda, az dégende 8 ademning qaza qilip, 46 ademning yarilan'ghanliqini bildürdi.

Amérika birleshme agéntliqining xewiride bildürüshiche, buningdin bir kün ilgiri fellujahdiki bir saqchi idari'isning sirtida , özini öltüriwélish xaraktirlik hujum yüz bérip, 15 adem hayatidin ayrilip, 20 adem yarilan'ghan iken. Iraq saqchi da'iriliri yene , bir qanche kün ilgiri 34 ademning jesidini tapqan.

Bu arida amérika dölet mudapi'e ministri ramésféld, amérika qoshunlirini qisqartishtin ilgiri , iraq yéngi hökümitining iraqta yenila bir mezgil wezipe öteydighanliqini bildürdi.

Iraqning ichki weziyiti yenila intayin jiddiy halette bolup, iraqning baghdat, fellujahqa oxshash chong sheherliride özini öltüriwélish xaraktirlik hujumlar dawamliq yüz bérip, köpligen iraq puqralirining ölümini meydan'gha keltürdi. (Eqide)