Baghdatta yüz bergen hujumda 13 adem qaza qildi

• 
  2006-05-18

Royétirs agéntliqining xewirige qarighanda , , 18 ‏- may küni baghdatta yüz bergen ikki chong hujumda az dégende 13 adem qaza qilghan. Ölgenler arisida saqchilar bar bolup, qarshiliq körsetküchi küchler baghdatning shimaligha jaylashqan bir charlash etritige yéqin jayni partlatqan, birla waqitta yene baghdat shehirining gherbiy jenubida ishchilarni ishqa élip kétiwatqan bir aptobus oqqa tutulghan.

Bu arida amérika herbiy da'irilirining bildürüshiche, amérika eskiridin biri baghdatning gherbidiki anbar ölkiside élip bérilghan toqunushta ölgen, musul shehiridimu toqunush yüz bérip düshmen küchliridin 3 i ölgen, toqunush jeryanida 10 neper iraq puqrasi qaza qilghan.

Iraqning weziyiti yenila jiddiy halette bolup, qarshiliq körsetküchi küchler tarqaq shekilde iraqning hemmila yéride dégüdek özini öltürüwélish, partlitish , görüge élish qatarliq hujumlirini élip barmaqta, qarshiliq körsetküchi küchlerning mezkür hujumliri eng köp iraq puqralirining ölümini meydan'gha keltürmekte.(Eqide)