Әл зәрқавиниң өлүми пүтүн дуня хәлқини хуш қилди

Америка бирләшмә агентлиқи 8 ‏- июн күни бәргән хәвиридә ирақ йеңи һөкүмити ташқи ишлар министириниң сөзини нәқил кәлтүрүп : " әл зәрқавиниң өлгән күни , ирақ хәлқи үчүн бир қутлуқ күн болуп һесаблиниду, гәрчә униң өлүми ирақта қаршилиқ көрсәткүчи дүшмән күчлириниң тамамән йоқалғанлиқидин дерәк бәрмисиму, бирақ бу ирақ һөкүмити вә хәлқиниң қәддини көтәрди" деди .

Бу арида америка призиденти җорҗ буш вә әнгилийә баш министири тонй бләйер шуниңдәк һәр қайси әлләрниң рәһбәрлири бирдәк һалда , америка , әнгилийә һәмдә ирақтики бирләшмә армийә қисимлирини тәбрикләш билән биргә, ирақ йеңи һөкүмитигә бу қетимқи һәрикәттә йеқиндин һәмкарлашқанлиқи үчүн рәһмәт ейтидиғанлиқини билдүрди.

Афғанистан призиденти карзай": әл зәрқавиниң өлүми, пүткүл дуняниң террорлуқ тәһдитидин қутулуштики муһим бир қәдәм һесаблиниду" дәп көрсәтти, у йәнә, әл зәрқави билән бирликтә зораванлиқ елип бериватқан террорчиларни әйибләп, " бу террорчилар, афғанистан вә ирақтики нәччә он миңлиған бигуна мусулманларниң өлүмигә мәсул болуши керәк " деди. (Әқидә)