El zerqawining ölümi pütün dunya xelqini xush qildi

Amérika birleshme agéntliqi 8 ‏- iyun küni bergen xewiride iraq yéngi hökümiti tashqi ishlar ministirining sözini neqil keltürüp : " el zerqawining ölgen küni , iraq xelqi üchün bir qutluq kün bolup hésablinidu, gerche uning ölümi iraqta qarshiliq körsetküchi düshmen küchlirining tamamen yoqalghanliqidin dérek bermisimu, biraq bu iraq hökümiti we xelqining qeddini köterdi" dédi .

Bu arida amérika prizidénti jorj bush we en'giliye bash ministiri tony bleyér shuningdek her qaysi ellerning rehberliri birdek halda , amérika , en'giliye hemde iraqtiki birleshme armiye qisimlirini tebriklesh bilen birge, iraq yéngi hökümitige bu qétimqi herikette yéqindin hemkarlashqanliqi üchün rehmet éytidighanliqini bildürdi.

Afghanistan prizidénti karzay": el zerqawining ölümi, pütkül dunyaning térrorluq tehditidin qutulushtiki muhim bir qedem hésablinidu" dep körsetti, u yene, el zerqawi bilen birlikte zorawanliq élip bériwatqan térrorchilarni eyiblep, " bu térrorchilar, afghanistan we iraqtiki nechche on minglighan biguna musulmanlarning ölümige mes'ul bolushi kérek " dédi. (Eqide)