ئىراق ساقچىلىرىنىڭ 14 - سېنتەبىر كۈنى بىلدۈرۈشىچە، ئۆتكەن 24 سائەت ئىچىدە باغداتتا، ئېتىپ ئۆلتۈرۈلگەن 60 ئادەمنىڭ جەسىتى تېپىلغان بولۇپ، ئۆلگەن بۇ كىشىلەرنىڭ كۆپىنچىسى قاتتىق قېيىن - قىستاقلارغا ئۇچرىغان.
فرانسىيە ئاگېنتلىقىنىڭ بۇ ھەقتە بەرگەن خەۋىرىگە قارىغاندا، جەسەتلەر باغدات شەھىرىنىڭ ھەر قايسى رايونلىرىدىن يەنى، باغداتنىڭ غەربىدىكى سۈننىي مۇسۇلمانلار ئولتۇراقلاشقان رايون بىلەن شەرقتىكى شىئە مۇسۇلمانلىرى جايلاشقان رايونلاردىن تېپىلغان.
گەرچە باغداتتا، مەزھەپلەر ئوتتۇرىسىدا داۋاملىق ئۆز - ئارا ئۆلتۈرۈش ھەرىكەتلىرى يۈز بېرىپ تۇرسىمۇ، بىراق بىر كۈن ئىچىدە بۇنداق كۆپ ئادەم جەسىتىنىڭ بايقىلىشى، كىشىلەرنى قاتتىق ساراسىمگە سالدى. ساقچىلار ھازىر 60 جەسەتنىڭ سالاھىيىتىنى تېخى ئېنىق بېكىتمىدى.
بۇ ۋەقەدىن باشقا، باغدات شەھىرىدە يەنە ساقچى ماشىنىسىنى پارتلىتىش ھۇجۇمىدا 14 ئادەم قازا قىلىپ، 67 ئادەم يارىلانغان. بۇ بىر ھەپتە ئىچىدە بىر ئىراق ساقچىسى، ئىككى ئامېرىكا ئەسكىرى ئۆلتۈرۈلگەن.
خەۋەرلەرگە قارىغاندا، ئىراق خەلقى، ئارقا - ئارقىدىن يۈز بېرىۋاتقان ئۆلۈم ھادىسلىرىدىن، ئامېرىكا قوشۇنلىرى بىلەن ئىراق ئەسكەرلىرىنىڭ ئىراق ۋەزىيىتىنى كونترول قىلالىشىدىن ئەندىشىلەنمەكتە. (ئەقىدە)