Iraqta weziyet künséri jiddiyleshmek

• 
  2006-10-16

Iraqta weziyet künséri jiddiylishiwatqan bolup, sunniy we shiyeler ottursidiki intiqam élish hujumlirida ölüwatqan iraqliqlarning sani hemde iraqtiki qarshilashquchi küchlerning hujumlirida ölgen amérika eskerlirining sani kündin ‏- kün'ge köpeymekte.

Jüme küni iraqning shimaliy rayonigha jaylashqan balad shehiride kallisi késilgen 17 neper shiye ishchisining jesiti tépilghandin kéyin, rayonda shiyeler bilen sunniyler otturisida bashlan'ghan toqunushlarda hazirghiche 91 kishi ölgen.

Xewerlerge qarighanda, ahalisining köpinchisi shiyelerdin teshkil tapqan balad shehiride shiyeler yollar üstige tekshürüsh punkitliri qurup, qolgha chüshken sünniylerni öltürüshke bashlighan. Iraq hökümiti bolsa, bu weqelerning aldini élishta ya ajiz qalmaqta yaki sunniylerning öltürülüshining aldini élish üchün jiddiy tedbir élishini xalimaywatidu.

Bu arida, iraqtiki qarshilashquchi küchler bilen bolghan toqunushlarda ölüwatqan amérika eskerlirining sanimu künséri köpeymekte. Düshenbe künining özidila 7 amérika eskiri ölgen bolup, öktebir iyida iraqta ölgen amérika eskirining sani 57 kishige yetken.

Iraqta weziyetning téximu jiddiylishishi sewebidin amérika prézidénti jurj bush bayanat élan qilip, amérika hökümitining iraqning bash minstirini pütün küchi bilen qollaydighanliqini bildürdi. Yéqinda iraqtiki weziyetning keskinlishishi jeryanida, mewjut iraq hökümiti toqunushlarning aldini alalmighanliqi, amérika hökümiti, iraq bash ministirigha bériwatqan yardimini toxtitishi mumkin, dégendek xewerlerning tarqilishigha seweb bolghan. (Qanat)