Jorj bush, iraqta zorawanliq heriketlirining küchiyiwatqanliqini étirap qildi

Amérika prizidénti jorj bush, charshenbe küni iraqta zorawanliq heriketlirining kündin - kün'ge küchiyiwatqanliqigha étirap qildi.

Nyoyurk waqti gézitining meshhur yazghuchisi tomas obzor élan qilip, iraqta yéqindin béri ewj éliwatqan zorawanliq heriketlirini wétnam urushi mezgilidiki " yéngi yil hujumi" bilen sélishturdi.

" Yéngi yil hujumi" shimaliy atlantik okyan ehdi teshkilati qoshunliri amérika herbiy qisimliri bilen bille 1968 ‏- yilining bashliri,wétnam herbiy qisimlirigha qozghighan zor herbiy heriket bolup, gerche tarixchilar bu heriketni, shimaliy atlantik ehdi teshkilati üchün chong bir herbiy yéngilish dep qarisimu, biraq amérikining ichkiy qismida xelqning rayini qolgha keltürgen déyishidu .

Iraqta her küni dégüdek partlitish hujumliri yüz bériwatqan bolup, peyshenbe küni iraqning shimalidiki musul saqchi idarisining binasi, özini partlitish hujumigha uchrap, 12 ademning ölümini, 20 din artuq ademning yarilinishini meydan'gha keltürdi. . Royétirs agéntliqining bügün bergen xewiridin melum bolushiche, yüz bergen partlashlarda az dégende 31 adem qaza qilghan.

Bu arida yene , baghdatta ikki neper saqchi we ikki puqra étip öltürülgen. (Eqide)