Prizidént bush iraq bash ministiri noriy malikini teriplidi

Amérika prizidénti jorj bush, iraq bash ministiri nuriy malikigha "küchlük iradige ige dölet rehbiri" dep nam bérish bilen birge " nuriy maliki rehberlik qiliwatqan hökümetning ghelibe qilishi, iraqning istiqbalida muhim rol oynaydu" dédi.

Prizidént jorj bush, peyshenbe küni i'ordaniyining paytexti ammanda nuriy maliki bilen uchriship söhbetleshkendin kéyin ": eger iraq hökümiti qoshulsila, amérika qisimliri, wezipe orunlanmighiche , iraqtin ayrilmaydu" dep otturigha qoydi. Prizidént bush yene, malikining qarashlirini qollaydighanliqini bildürüp, nöwette eng muhimi, mezhepler otturisidiki ziddiyetni yoqitish ikenlikini tekitlidi.

Ikki dölet rehbiri bu qétimqi uchrishishta, qandaq qilghanda , amérika yétekchilik qiliwatqan birleshme armiye qisimlirining bixeterlik mes'uliyitini téz arida iraq qisimlirigha ötküzüp bérishke bolidighanliqi heqqide muzakirleshti. Nuriy maliki, iraqning weziyitini muqimlashturush üchün, aldi bilen süriye qatarliq qoshna döletler bilen hemkarliqni kücheytish kéreklikini, shunga u peqet iraqning hazirqi hökümitini qollaydighan qoshna döletler bilen munasiwet ornitishni xalaydighanliqini bildürdi. (Eqide)