Amérika mudapi'e ministiri iraq istratégiyisini tertipke sélishni otturigha

• 
  2006-12-03

Amérika dölet mudapi'e ministiri donald ramsféld wezipisidin istipa bérishtin ikki kün ilgiri iraq istratégiyisini tertipke sélish heqqide mexsus türde aq saraygha teklip sun'ghan bolup, shenbe küni dölet mudapi'e ministirliqi bu teklipning mezmunlirini metbu'atqa ashkarilighan.

Donald ramsféld, bir qanche yildin buyan dölet mudapi'e ministirliq wezipisini atquruwatqan erbab bolup, u afghanistan we iraqtiki urushqa biwasite munasiwetlik shexs. Ramsféld amérikining iraqtiki qoshunlirining herikitining köngüldikidek téz emeslikini, shunga buni özgertish lazimliqini otturigha qoyghan.

Uchurlardin qarighanda, u amérika eskerlirining sanini azlitishni hemde iraqning topilang yüz bériwatqan rayonlirining qayta qurulushlirigha yardem bérishni waqitliq toxtitishni otturigha qoyghan.

Amérika kéngesh palatasi uning istipasini testiqlighan bolup, u amérika parlamént sayliminida démokratlar ghelibe qilghan peytte istipa béridighanliqini jakarlighan idi. Nowette, iraq pilanini tertipke sélish amérika siyaset qatlimidiki muhim xizmet bolmaqta. (Ümidwar)