Америка мудапиә министири ирақ истратегийисини тәртипкә селишни оттуриға


2006.12.03

Америка дөләт мудапиә министири доналд рамсфелд вәзиписидин истипа бериштин икки күн илгири ирақ истратегийисини тәртипкә селиш һәққидә мәхсус түрдә ақ сарайға тәклип сунған болуп, шәнбә күни дөләт мудапиә министирлиқи бу тәклипниң мәзмунлирини мәтбуатқа ашкарилиған.

Доналд рамсфелд, бир қанчә йилдин буян дөләт мудапиә министирлиқ вәзиписини атқуруватқан әрбаб болуп, у афғанистан вә ирақтики урушқа биваситә мунасивәтлик шәхс. Рамсфелд америкиниң ирақтики қошунлириниң һәрикитиниң көңүлдикидәк тез әмәсликини, шуңа буни өзгәртиш лазимлиқини оттуриға қойған.

Учурлардин қариғанда, у америка әскәрлириниң санини азлитишни һәмдә ирақниң топилаң йүз бериватқан районлириниң қайта қурулушлириға ярдәм беришни вақитлиқ тохтитишни оттуриға қойған.

Америка кеңәш палатаси униң истипасини тәстиқлиған болуп, у америка парламент сайлиминида демократлар ғәлибә қилған пәйттә истипа беридиғанлиқини җакарлиған иди. Новәттә, ирақ пиланини тәртипкә селиш америка сиясәт қатлимидики муһим хизмәт болмақта. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.