Kofi annan: iraq weziyiti ichki urushtinmu " better"

• 
  2006-12-04

Mushu ayning axiriliri wezipisidin ayrilidighan b d t bash katipi kofi annan, iraqning nöwettiki weziyiti ichki urushtinmu "better " dep körsetti.

Kofi annan, düshenbe küni b b s ning ziyaritini qobul qilghanda, nöwette iraqtiki awam xelqning turmush ehwali saddam höseyin hökümranliq qilghan dewrgimu yetmeydu, dep tekitligen. Uning eskertishiche, nöwette iraq weziyiti "intayin xeterlik ehwalda turmaqta" . U, iraqtiki awam puqralarning teqdiridin échinidighanliqini bildürdi. Kofi annan bu sözlerni amérika iraqtiki weziyet oxshimighan siyasiy guruhlar arisida yüz bériwatqan ichki urushmu yaki térrorchiliqqa qarshi küreshmu, dégen su'alni talash - tartish qiliwatqan bir mezgilde otturigha qoydi.

Lékin prézidént bush, iraq urushining ghelibisini qolgha keltürmey turup iraqtin qoshun chékindürüsh waqit jediwili élan qilmaydighanliqini tekitlidi. U, iraqtiki weziyetning " ichki urush" ikenlikini qet'iy ret qilmaqta. Prézidént bushning eskertishiche, iraqtin waqitsiz qoshun chékindürüsh rayonning bixeterlik weziyitini téximu nacharlashturuwétishi mumkin. Lékin u, amérika dölet mejlisidiki démokratlarning qoshun chékindürüsh heqqidiki bésimigha duch kéliwatidu.

Kofi annan, nöwettiki iraq weziyitini saddam hüseyin dewrige sélishturup, " diktatur hökümranliq qilghan dewrde kishiler bolmidi dégende kochigha chiqalaytti. Ballirini mektepke ewetishtin qorqmaytti" deydu. (Erkin)