Кофи аннан: ирақ вәзийити ички уруштинму " бәттәр"


2006.12.04

Мушу айниң ахирилири вәзиписидин айрилидиған б д т баш катипи кофи аннан, ирақниң нөвәттики вәзийити ички уруштинму "бәттәр " дәп көрсәтти.

Кофи аннан, дүшәнбә күни б б с ниң зияритини қобул қилғанда, нөвәттә ирақтики авам хәлқниң турмуш әһвали саддам һөсәйин һөкүмранлиқ қилған дәвргиму йәтмәйду, дәп тәкитлигән. Униң әскәртишичә, нөвәттә ирақ вәзийити "интайин хәтәрлик әһвалда турмақта" . У, ирақтики авам пуқраларниң тәқдиридин ечинидиғанлиқини билдүрди. Кофи аннан бу сөзләрни америка ирақтики вәзийәт охшимиған сиясий гуруһлар арисида йүз бериватқан ички урушму яки террорчилиққа қарши күрәшму, дегән суални талаш - тартиш қиливатқан бир мәзгилдә оттуриға қойди.

Лекин президент буш, ирақ урушиниң ғәлибисини қолға кәлтүрмәй туруп ирақтин қошун чекиндүрүш вақит җәдивили елан қилмайдиғанлиқини тәкитлиди. У, ирақтики вәзийәтниң " ички уруш" икәнликини қәтий рәт қилмақта. Президент бушниң әскәртишичә, ирақтин вақитсиз қошун чекиндүрүш районниң бихәтәрлик вәзийитини техиму начарлаштуруветиши мумкин. Лекин у, америка дөләт мәҗлисидики демократларниң қошун чекиндүрүш һәққидики бесимиға дуч келиватиду.

Кофи аннан, нөвәттики ирақ вәзийитини саддам һүсәйин дәвригә селиштуруп, " диктатур һөкүмранлиқ қилған дәврдә кишиләр болмиди дегәндә кочиға чиқалайтти. Баллирини мәктәпкә әвәтиштин қорқмайтти" дәйду. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.