Amérika iraqta yene esker köpeytmekchi

Bügün nyuyork waqit gézitining xewer qilishiche, amérika hökümiti iraqqa yene yigirme ming esker ewetmekchi iken. Bush hökümiti iraqqa qaratqan urush istratégiyisi boyiche iraqqa kirgüzidighan eskerni köpeytishi bilen birge bir milyard amérika dollar meblegh sélip iraqta xelqqe ish pursiti yaritip bérishni pilanlighan.

Amérika hökümitidin özini ashkarilashni xalimighan bir xadimning ipadilishiche, bush hökümiti bu bir milyard dollarni iraqni qayta qurush pilanini ishqa ashurushning bir qismi süpitide, iraqliqlarning mekteplerni rémont qilish hemde weyran bolghan kochilarni tazilash hemde retke sélish ishliri üchün serp qilidighan.

Xewerde körsitilishiche, iraq bash ministiri maliki bushning bir yérim ay ichide iraqqa üch qétim esker kirgüzishige maqul bolghan bolsimu, amérika hökümitining iraqta esker köpeytishige nisbeten bezi hökümet ezaliri yenila, buning iraq weziyitining muqimliqini ishqa ashurushqa paydisi bolushigha guman bilen qarimaqta iken.

Bush ezalighidiki amérikida jumhuriyetchiler partiyiside ötken yili -11 ayda élip barghan saylamdimu köp sandiki kishiler bush hökümitining iraqqa hujum qilishini "bu bir xataliq" dep tenqid qilghan.

Amérika birleshme axbaratning yekshenbe künidiki xewirige qarighanda, yekshenbe küni iraq chégrisi ichide az dégende yene 14 adem partilashlarda ölgen. (Gülchéhre)