Iraqtiki partlashlarda 100 ge yéqin kishi öldi

Amérika prézidénti jurj bush iraqtiki toqunushlarni toxtitish üchün, iraqqa yenne 21 ming 500 yüz amérika eskiri ewetish pilanini yolgha qoyushqa bashlighan bir mezgilde, düshenbe küni iraqning paytexti baghdat we etrapida yüz bergen partlitish weqeliride 100 ge yéqin adem öldi we 200 etrapida kishi yarilandi.

Düshenbe künidiki eng qanliq weqe baghdatning awat bazarlirining béri hésablan'ghan bab- elsharji bazirida meydan'gha kelgen bolup, bomba qachilan'ghan ikki mashinining arqa-arqidin partlishi netijiside 88 kishi ölgen we 150din artuq adem yarilan'ghan.

Amérika birleshme agéntliqining xewer qilishiche, bügünki hujumlarda asasen baghdat shehiri we bu sheherning shimalidiki shiye rayonliri nishan qilin'ghan bolup, bu sunniy qarshilashquchi küchlerning heriketlirini kücheytkenlikini körsitidiken. Shundaqla yekshenbe küni iraqta ikki amérika eskiri öltürülgen bolup, buning bilen bu ay ichide ölgen amérika eskerlirining sani 47 ge yetti.

Bu arida, elqa'ide teshkilati düshenbe küni iraqning anbar ölkiside chüshürülgen herbiy tk'ucharning, mezkur teshkilat teripidin étip chüshürülgenlikini bildürdi. Lékin amérika mudapi'e minsitirliqi bu heqte tekshürüshlerning dawamlishiwatqanliqini bildürmekte. Shenbe küni yüz bergen weqede tik'uchardiki 12 amérika eskirining hemmisi ölgen idi. (Qanat)