Amérika eskerliri qarshiliq körsüetküchi küchliridin 4 ni yoqatti

Amérika herbiy da'iriliri peyshenbe küni bayanat élan qilip, charshenbe küni kechte birleshme armiye qoshunlirining qarshiliq körsetküchilerdin 4 ni yoqatqanliqini we 29 ni qolgha alghanliqini bildürdi.

Iraqtiki bir herbiy qomandan: "bu 4 neper qarshiliq körsetküchi, yol üstige partlatquch kömüwatqanda bayqalghan, eger ulargha waqtida zerbe bérilmigen bolsa yene nurghunlighan bigunah xelqning bihude ölimi meydan'gha kelgen bolatti" digen. Pütün iraq boyiche 1‏- ay ichidila yüz bergen mezhepler arsidiki toqunush jeryanida, 2 ming neper bigunah iraq xelqi qaza qilghan.

Bu arida amérika herbiy da'iriliri, amérika eskerlidin 4 ining baghdat we embar ölkiliride élip bérilghan hujumlar jeryanida qaza qilghanliqini bildürdi.

Bulardin sirt charshenbe küni, iraqning herqaysi jaylirida yüz bergen zorawanliq herketliri dawamida 25 adem hayatidin ayrilghan bolup, baghdattiki shiye musulmanliri eng köp olturaqlashqan rayonda mashina partiltish hujumi yüz bérip, az digende 6 adem ölgen., baghdattiki suniy musulmanliri olturaqlashqan rayonda bolsa minamut partiltish hujumliri yüz bergen.

Iraq saqchi da'iriliri nöwette yalghuz baghdatning weziyitidila emes belki pütün iraq weziyitining intayin jiddi ikenlikini bildürmekte. (Eqide)