Shi'e musulmanlirining hej sepiride partlash weqeliri keyni -keynidin yüz bermekte

Hazir shi'e musulmanliri baghdat shehirining 110 kilomitér jenubidiki kerbalagha hej qilish üchün topliniwatidu. B b s ning xewer qilishiche, 6 ‏-mart küni ar beyn murasimi üchün toplan'ghan shi'e musulmanlirining arisigha, bedinige bomba téngip kirgen ikki kishi partlap kétip 90 ademning ölümi we 150 tin artuq ademning yarilinishini keltürüp chiqarghan. Yaridarlar hérahtiki doxturxanida qutquzulmaqta. Shinxu'a agéntliqining bayan qilishichimu, baghdatning jenub teripide, jediryan köwrükidin ötüp kerbalagha qarap yalang'ayaq kétiwatqan shi'e musulmanlirini uchtumtut oqqa tutidighan weqeler keyni-keynidin yüz bermekte.

Metbu'atlarda bayan qilinishiche, shi'e musulmanlirining yilda bir kélidighan chong bayrimi arbeyn yaki ashura dep atilidu. Bu bayram miladi 681‏- yili muhemmed eleyhssalamning newrisi imam huseyn el eli we uning a'ile -tawabatliri eyni waqittiki ereb hökümrani yazid teripidin öltürülgenlikini xatirilesh pa'aliytidin shekillen'gen. Shi'e musulmanliri bu weqeni 40 kün xatirileydu. Xatirilesh axirlashqan küni arbeyn bayrimi boludu. Bu bayram shi'eler üchün xuddi sünniylerning hej qilghinigha oxshash muqeddes. (Weli)