Iraqta insanperwelik kirizisi éghirlashmaqta

Birleshken döletler teshkilatining iraqqa yardem bérish ömiki iraq hökümitining kishilik hoquq xatirisini qattiq tenqidlidi. B b s ning bayan qilishiche, birleshken döletler teshkilatining doklatida, iraqta 2 ‏- ayda bixeterlik pilani yolgha qoyulghandin kéyin, partlitish weqeliri toxtimayla qalmastin, belki ahalilarning zexminilish hadisiliri téximu köpeygen. Hökümet da'iriliri teripidin jinayet gumandari dep tutulghan 3000 ademning eqelliy kishilik hoquqi kapaletke ige bolmighan؛ iraq da'iriliri hetta qolgha élish buyruqi bolmighan ehwal astida kishilerni xalighanche qolgha élish, tutup turidighan waqit cheklimisi bolmasliq hadisiliri éghir, dep körsitilgen.

Birleshken döletler teshkilatining doklatida bayan qilinishiche yene, 2006 ‏- yili ichide 34 ming 452 neper dölet puqrasi partlitish weqeside hayatidin ayrilghan we 36 mingdin köp adem yarilan'ghan idi. Shuningdin kéyinmu iraqta kishilik hoquq krizisi tiz sür'et bilen éghirlashmaqta.

Iraqta hazirgha qeder zorawanliq hadisilerdin saqlinish üchün yurtni tashlap chet'ellerge chiqip ketken adem sani ikki milyon'gha yétidu, 4 milyon'gha yéqin ademge yémeklik yétishmeydu. 54% Iraqliqning kündilik turmush xirajiti 1 amérika dolliridin tüwen halgha chüshüp qalghan, 60% adem ishsiz . Hazirqi iraq hökümiti dölet ichidiki zorawanliq weqeler we qanun'gha psent qilmaydighan muqimsizliq weziyetkila emes, belki diniy radikal guruhlarning hujum nishanigha aylanmaqta. (Weli)