Iraqta 11 neper amérika herbiy xadimi hayatidin ayrildi

Iraqtiki qarshiliq körsitish heriketliri netijiside amérika herbiy xadimlirining ölüm yétim ehwalliri dawamlashmaqta. Amérika herbiy terepning ashkarilishiche, shenbe küni bir künning ichidila iraqta 11 neper amérika herbiy xadimi hayatidin ayrilghan.

Uchurgha qarighanda, baghdatning gherbiy shimalida amérika eskerliri olturghan bir mashinining yénida partlighan bomba zerbisidin az dégende töt amérika herbiy xadimi we bir neper terjiman ölgen. Shu küni yene baghdad we uning etrapida töt neper amérika eskiri mina partlash we hujumgha uchrash netijiside hayatidin ayrilghan.

Amérika herbiy terepning tarqatqan uchurigha asaslan'ghanda, yene bir neper amérika eskiri tikrit shehiride ögen, ikki neper herbiy xadim éghir yarilinip, saqiyalmay wapat bolghan.

Yekshenbe küni amérika we iraq hökümet qoshunliri birlikte baghdad qatarliq jaylarda topilangchi küchlerge tuyuqsiz hujum qozghap, 4 neper qarshiliq körsetken topilangchini öltürgen we 14 neper gumanliq unsurni qolgha alghan. (Ümidwar)