تالابانى خىتايدىن قورال سېتىۋېلىپ ساقچىلارنى قوراللاندۇرماقچى


2007-06-27
Share

ئىراق پرېزىدېنتى جالال تالابانى خىتاينى بىر ھەپتە زىيارەت قىلىپ قايتىپ كەلگەندىن كېيىن، خىتاي ھۆكۈمىتىدىن ئەرزان باھادا قورال سېتىۋالىدىغانلىقىنى جاكارلىغان. فرانسىيە ئاگېنتلىقىنىڭ سۇلايمانىيىدىن 27 ‏- ئىيون كۈنى خەۋەر قىلىشىچە، ئىراق پرېزىدېنتى تالابانى مۇخبىرلارغا 'سادام يىقىتىلغاندىن كېيىن، سۈننىي توپىلاڭچىلىرى ئىراق ساقچىلىرىنى نىشانلاپ كېلىۋاتىدۇ.

بۇنىڭدىن كېيىن، خىتايدىن سېتىۋالغان قوراللار بىلەن ساقچىلار قوراللاندۇرىلىدۇ، قورال سېتىۋېلىش مەسىلىسى ھەققىدە خىتاي بىلەن كېلىشىم ئىمزالىنىپ بولدى' دېگەن. تالابانىنىڭ ئېيتىشىچە، خىتاي بۇرۇن ئىراق ھۆكۈمىتى بىلەن تۈزگەن كېلىشىم بۇيىچە، پات- ئارىدا ئىراقنىڭ شەرقىي جەنۇب تەرىپىدە نېفىتلىك ئاچىدىكەن.

تالابانىنىڭ بۇ قېتىمقى خىتاي زىيارىتى، ئىراق بىلەن خىتاي ئوتتۇرىسىدا 1958 ‏- يىلى دېپلوماتىك ئالاقە ئورنىتىلغاندىن بۇيان ئىراق پرېزىدېنتىنىڭ خىتاينى تۇنجى قېتىم زىيارەت قىلىشى بولۇپ ھېسابلىنىدۇ.(ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت