Талабани хитайдин қорал сетивелип сақчиларни қоралландурмақчи


2007.06.27
Share on WhatsApp
Share on WhatsApp

Ирақ президенти җалал талабани хитайни бир һәптә зиярәт қилип қайтип кәлгәндин кейин, хитай һөкүмитидин әрзан баһада қорал сетивалидиғанлиқини җакарлиған. Франсийә агентлиқиниң сулайманийидин 27 ‏- ийон күни хәвәр қилишичә, ирақ президенти талабани мухбирларға 'садам йиқитилғандин кейин, сүнний топилаңчилири ирақ сақчилирини нишанлап келиватиду.

Буниңдин кейин, хитайдин сетивалған қораллар билән сақчилар қоралландурилиду, қорал сетивелиш мәсилиси һәққидә хитай билән келишим имзалинип болди' дегән. Талабаниниң ейтишичә, хитай бурун ирақ һөкүмити билән түзгән келишим буйичә, пат- арида ирақниң шәрқий җәнуб тәрипидә нефитлик ачидикән.

Талабаниниң бу қетимқи хитай зиярити, ирақ билән хитай оттурисида 1958 ‏- йили депломатик алақә орнитилғандин буян ирақ президентиниң хитайни тунҗи қетим зиярәт қилиши болуп һесаблиниду.(Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.